مرحلة مابعد التخرج (لم اشعر بلذتها) :

تخرجت من الجامعة ولكن فرحتي كانت تنقصها وجود صديقتي مدري ليه وجود هالإنسانه في حياتي يريحني ..!!! ولكن كأنها تعلم بحالي فمع ضحكات صديقاتي وهتافاتنا لفرحة التخرج والتى حاولت جاهده فيها أن ارسم ملامح البسمه على شفاهي وفعلاً كانت فقط للمجامله سمعت صوت المسج وحسيت بداخلي أن هذا المسج منها وبالفعل كان المسج منها وعلى الرغم من قلة كلماته وبرودة معانيه إلا أنه كان مخدر موقت لجروحي التى لاتعلمها ...

بعد تخرجي ماقدمت على وظيفة وذلك لظروف صحية كانت تمر فيها الوالده فذهبت أنا وأخي معها للعلاج في الخارج ..فـ تميت 6 شهور في الخارج وبعدها عدنا إلى قواعدنا سالمين ..قدمت على ديوان الخدمه وتم قبولي في إحدى الوزارات وكما هو معهود في إجراءات التوظيف يجب القيام بالفحص الطبي ..ولكن الصدفة جعلتني اشعر كأن حياتي فلم هندي لمافيه من الكم الهائل من الاحداث التى لاتصدق ..معقوله هذه هي ..لا مو هي ..إلا هي لمحتها من خلف الشباك تعمل على تحليل الدم >>> صراحه كان موقف مؤثر مثل شعور الأم بأول يوم دراسي لإبنها >>> ادري ماله صله بالموضوع بس وقتها الموقف كان مؤثر وماني قادره اوصفه شعرت بالفخر لأنها من صغرها كانت تقول راح اصير طبيبه فرحت لأنها اوصلت للشي اللى تبيه قربت من الشباك اكثر وحطيت الكمام على وجهي >>> اثناء موجة انفلونزا الخنازير على الرغم أني ما استخدمه نهائيا ولكن كانوا يوزعون يومها في المستشفى كمامات وفعلاُ هالاختراع جاء في وقته حاولت اخبئ ملامحي فيه وقلت لها بنبره حاده " لو سمحتي لا تضيعين اوراق التحليل  اشتغلي بضمير " .. طالعتني بنظره معناها شالغثيثه اللى جايه على الصبح تبي تهاوش ..! وردت تطالع اوراق التحليل من غير ولاكلمه ..وشوي .... بدت تبتسم وطالعتني وقالت أنا اقووووول محد يطالب على هالصبح ويتحرش غيرج .. طلعت من غرفة التحليل وأنا اقول لها ترى قاصين عليج حاطينج بمحكر وأنتي مصدقه عمرج غرفة تحليل ..>>> من أولها قاعده احطمها مدري ليه ؟؟سلمت عليها وكان ودي احضنها فتره اطول لكن المكان مايسمح كله مراجعين وناس تليقف تطالع ..شكو 


المهم خلصت أوراقي ..وعطيتها رقمي الجديد لأني مشــــــــــــــــــــــــــــــــــــــــــــتاقه لها وااااااااااااااااااااااااااااااايد 


ومدري ليه لما سلمت عليها ورحت طرت في بالي هالكلمات ..




*****************************************
أرفعي راسـك دقيقـه وافهمينـي = الطفولـه كلهـا حـب وصداقـه 


لا تغيب الشمس وانتي تكرهينـي = الفـراق المحتمـل مـر ٍ مذاقـه 


جبت لك ورده وذبلت في يمينـي = كان ما تكفيك ( ورده ) جبت باقه


*******************************************


يا حياتي H  ترى أموووووت فيج