تبعات الأمسية الزرقاء 1

بعد انتهاء أمسية الأنس مع صديقات الأمس وبدا الليل يخرمس والقطو فوق الزباله يعسعس وبحلجه ميده مدري صبور يابس>> لا موصج شالخرابيط شقول,, ايـــــــــه هذا مو مني من اللى فيني .. وصلت البيت والساعه تشير إلى 11.7 مساءاُ حسب توقيت سيارتي معقولة تأخرت وماحسيت بالوقت إن شاء الله الباب مفتوح لا اشقح السور لا اشوه الباب مفتوح مو مسكر دشيت لقيت أمي واخواني يسولفون ويضحكون  توقعت زفه بتجيني مني مناك وقفت انطر احد يزفني يقولي ليش متأخره ..محد عبرني !! تعجبت معقوله اهلي صاروا متحررين لي هالدرجه !! رحت غرفتي غيرت ملابسي حطيت راسي على المخده وراي باجر دوام ..ماجاني نوم ماني قادره انام وأنا ماعرفت منو أماني ؟؟متى بس يجي باجر واسأل عليا اتقلب يمين ويسار ياربي الليل شطوله أووه ..نسيت ماحطيت المنبه عشان اقوم باجر وإذا المنبه تشير عقاربه إلى 10.20 معقوله الوقت قام يرجع  كان لي ساعه وأنا اتقلب بالفراش .. عدل ..عشان جذية ما أنزفيت آثاري ساعة سيارتي مقدمه الوقت ..لا هاذي موبشاره ..باجر متى رااااااااح يجي ..خلاص مافيني اتحمل وأثقل اكثر دقيت على عليا ..طبعاُ سويت روحي أسأل عن شغله معينه وحورفت معاها يمين يسار لين خليتها تجيب طاري H واقتنصت الفرصه عشان أسألها قلت لها صج تعالي أنتي تقولين أماني ..مو أماني ؟؟ قالت معقوله ماتذكرينها !! كانت معانا أيام الثانويه ..أماني الفلان الفلاني اللى شكلها جذي ..مسكينه عليا حاولت بكل طريقة أنها تذكرني لكن أنا ذاكرتي ممسوحه ..الاسم موغريب بس ما اذكر شكلها ...قالت لي عليا أنها كانت منتقله جديده بمدرستنا بس درست رابعه ثانوي ..قلت لها والله يا عليا ما اذكر ..قالت اللى كانت معجبه بــ H   ..لا لحظه ؟؟ وأنا من الصدمه مو مستوعبه الكلام ..صرت اعيد الكلام على عليا منو اللى معجب بالثاني ؟؟ قالت أماني كانت معجبه بــ H بس يوم درت أماني أن H عندها معجبتين تراجعت وما صارحتها بس أنا لمحت حق H أن أماني معجبه فيها >>> كان ودي اصك راس عليا بالطوف على هالاقتراح والتلميح الفذ بالله أنا ناقصه إبداعاتج ياعليا !! طبعا للتوضيح عليا وأماني وH  كانوا يعرفون بعض لأنهم بصف واحد وبقسم واحد لكن أنا كنت اغرد خارج السرب لأني بقسم ثاني ..ومو داريه شقاعد يصير من وراي ..صراحه للحين مصدومه لأن H ماعلمتني طبعاً المعجبتين الاولين اعرفهم الاولى N وكانت معنا بصف أولى ثانوي وكان عادي أنها تنعجب فيها لأن في ذاك الوقت مشاعري معاها كانت مشاعر صداقه وماتحولت للحب أما الثانيه  R   كانت معجبة في H وكانت H  بالصف الثالث وكنت وقتها على علاقه مع H وكانت هالعلاقه سكيتي يعني بيني وبينها بس ..ما كنت وقتها اغير من R كان العكس مع أن رفيجة R كانت اخت H فكانت تقولها ليش تغارين منها تراها رفيجتها من زمان بس R كانت تحس أن في شي بينا ويمكن هالشئ خلاني اتلذذ أن علاقتنا تكون سريه لأني اشوف الكل كان راغبها وهي ترغب فيني .. مدري شلون كان تفكيري صاير بس هذا اللى كان حاصل ..ارجع حق تحف عليا وقلت لها شنو كان رد H لما لمحتي لها ؟؟ قالت ابد كانت أماني واقفه ويانا وانكرت هالشي وقالت لا يبا ماني معجبه فيج وعليا تجذب ومن هالسوالف وراحت السالفه ..انزين اشلون لقوا بعض عقب التخرج ؟ قالت صادف يومها أن أثنينتهم كان عندهم محاضره بنفس الكليه واجتمعوا من جديد >>> خو مايجتمع اثنين إلا وابليس ثالثهم أنا ادرى بالقاعده هذه ..ايه كملي حبيبتي عليا zozo خل ارضع بنتي صارلها ساعه تفحط .>>> ياربي اخلص من عليا وإلا اخلص من بنتها تدرين افطميها احسن >>> طبعا ترد علي عليا حرام توها اربع شهور >>> ارد عليها عطيها قواطي وفكينا طبعا عليا تضحك ولما تشوفني ميته على السالفه تقطع قلبي معاها تعلعلني ..خليت عليا ترضع بنتها وأنا قعدت ارضع قهر وقلت ياخبر بفلوس بكره بلاش